Парламентот на Нов Зеланд гласаше за суспендирање на тројца пратеници од племето Маори поради нивниот протест пред неколку месеци, кога ја прекинаа седницата и го изведоа традиционалниот танц хака, проследен со викање и агресивни изрази на лицето.

Пратеничката од опозицијата Хана-Равхити Маипи-Кларк беше првата што го започна протестот кога беше прашана дали нејзината партија, Те Пати Маори (Маорска партија), го поддржува контроверзниот закон. Пратеничката беше суспендирана седум дена.

Двајцата копретседатели на партијата, Равири Ваитити и Деби Нгарева-Пакер, се суспендирани 21 ден.

Предлог-законот што го предизвика протестот имаше за цел да ги ревидира условите од основачкиот договор на земјата, но сега е отфрлен.

Should Māori lawmakers be punished for performing the haka?

The suspension of three Māori MPs who performed a viral haka sparked thelargest ever protests in New Zealand.#Maori #Haka #DW pic.twitter.com/gQjkvCUGUW

— The Indian Express (@IndianExpress) May 25, 2025

Нов Зеланд доби меѓународни пофалби за своите напори за заштита на правата на домородните народи, но неговиот однос со заедницата Маори се влоши во последните години под водство на конзервативната влада.

Минатиот ноември, видеата на кои се гледаат тројцата пратеници како го изведуваат воениот танц – често изведуван на спортски настани или церемонии за дипломирање во Нов Зеланд – станаа вирални и привлекоа глобално внимание.

Парламентарен комитет минатиот месец пресуди дека акцијата може да има „застрашувачки ефект“ врз другите пратеници.

Казните се без преседан. До денес, најдолгата суспензија изречена на пратеник од Нов Зеланд беше три дена.

Маипи-Кларк одржа емотивен говор во четврток за време на парламентарната дебата за санкциите. „Никогаш нема да молчиме и никогаш нема да бидеме изгубени“, рече таа низ солзи. „Дали нашиот глас е премногу гласен за овој Дом? Дали затоа сме казнувани?“

За време на дебатата, министерот за надворешни работи Винстон Питерс беше повикан да се извини откако ги нарече Те Пати Маори „група екстремисти“, велејќи дека земјата е здодеана од нивното однесување.