Не е првпат да гледаме како клуб од пониските фудбалски лиги после жрепка „се радува“ што има прилика, а таа е ретка, да игра против еден од најголемите клубови на таа земја и пошироко. Од една страна, поголеми се шансите тој нисколигаш да загуби со висока разлика, но искуството е добредојдено, и секако голема чест да се игра против еден од најдобрите играчи на светот.

Шестолигашот Ревел го доби гигантот ПСЖ во рамките од Купот на Франција, а реакцијата на тоа дека ќе играат против врвниот светски напаѓач Килијан Мбапе и останатите асови беше неверојатна во соблекувалната на овој нисколигашки клуб.

Инаку, Ревел е член на шестата француска лига и никогаш не бил во повисок ранг, дури ни во петтата лига. Затоа, логично е играчите на овој клуб да играат фудбал рекреативно, сите да имаат некоја друга работа, а фудбалот да им е хоби.

??? This is the reaction of the 6th tier side US Revel when they found out they will play PSG in the Coupe de France!

Magic of the cup… ?✨ pic.twitter.com/8F2aSGa9W8

— EuroFoot (@eurofootcom) December 11, 2023

И тогаш – кога со жрепка беше одлучено дека големиот ПСЖ ќе им биде противник на официјален натпревар, настана целосен хаос во соблекувалната.

Овој шестолигаш сега стана хит во светот само поради реакцијата на играчите. Сите се собраа во соблекувалната и посакаа ПСЖ да им биде ривал. Желбата им се оствари и нивната радост е неопислива.