Фото: Screenshot

ВИДЕО | Необичен инцидент на трката во Канада: Хамилтон прегази мрмот

Луис Хамилтон ја заврши трката на Големата награда на Канада на шестото место, но неговиот пласман можеби ќе беше подобар доколку во 13. круг не се соочеше со еден необичен инцидент.

Седумкратниот светски шампион во Формула 1 во тој круг ненамерно прегази мрмот што од некаде се најде на патеката. По ударот во несреќното животно болидот на Хамилтон беше оштетен, посебно на десната страна.

Од Ферари потврдија дека удaрот предизвикал губење на дел од аеродинамичниот притисок, што значително влијаело на перформансите на болидот.

„Чувството беше добро до тој момент. Не видов што се случи, но ми кажаа дека сум удрил мрмот. Тоа е ужасно. Ги сакам животните и многу ми е жал. Страшно. Никогаш досега не ми се случило вакво нешто тука“, изјави Хамилтон по трката.

Иако Британецот вели дека ваков случај не доживеал порано, животни на патеката не се невообичаена појава на трката во Канада. Фотографи и овој викенд забележале неколку мрмоти во близина на патеката „Жил Вилнев“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот