Европската фудбалска куќа нема да ги казни романските судии кои ја делеа правдата на натпреварот од Лигата на шампионите помеѓу ПСЖ и Башакшехир во декември минатата година кога беше предизвикан огромен хаос.

Тој дуел ја обележа ситуацијата поради која сите играчи го напуштија теренот, не сакајќи да го продолжат натпреварот.

На „Паркот на принцовите“ имаше прекин во текот на првото полувреме поради наводните расистички навреди на четвртиот судија Себастијан Колтеску кон помошникот тренер на турскиот тим Пјер Вебо.

God bless Demba Ba for standing up against Racism and to all the Players for walking off the pitch to night ??? #SayNoToRacism pic.twitter.com/7wkmR17YF2

— Ajala omotayo (@ajazio) December 8, 2020

Мечот продолжи во следниот ден без романските судии, но Колтеску остана „мета“ на напади од многумина поради овој настан.

УЕФА веднаш покрена истрага, беа погледнати и испитани сите докази, а како што тврдат романските медиуми одлучено е дека на дуелот во Париз немаше расизам, воедно нема да има казни за ниту една од страните во овој случај.

Го обвинија за расизам, повеќе бил за танц, а ни судеше и нам на патот кон ЕП!

Романски „Про Спорт“ тврди дека УЕФА објави дека нема да има постапка против судиите, но и против поранешниот тренер на Башакшехир, Окан Бурук, кој ги нарече судиите „Цигани“.

– Немаше расизам. Романските судии го користеа зборот „Ала негру“ за да го идентификуваат Вебо, но тој збор нема навредливо значење во романскиот јазик – се вели во соопштението на УЕФА.