Еден човек е убиен, а најмалку четворица се повредени во напад со нож во супермаркет во италијанскиот град Асаго кај Милано.

Меѓу повредените е и фудбалерот на лондонскиот клуб Арсенал кој е на позајмица во Монца, Пабло Мари.

За нападот, кој се случил во супермаркет „Карфур“ во трговски центар, е осомничен 46-годишен човек, кој е уапсен. Мотивот за крвавиот напад сѐ уште не е јасен, пишуваат медиумите.

Арсенал потврди дека фудбалерот е повреден и дека е во болница, но е надвор од животна опасност.