Британка, за која се верува дека е најстарата келнерка, одлучила да се пензионира на 92-годишна возраст, објави „Би-би-си“.

Вајолет Гарати од Шефилд работела во фоајето на хотелот „Кенвуд“ во последните 32 години, но сега беше принудена да се откаже поради повреда.

Денеска ќе ѝ биде последен ден на работа, а ќе се организира забава за семејството, пријателите и колегите.

„Не се чувствувам многу добро бидејќи уживав во работата“, изјави таа за Би-си-си радио Шефилд.

По потекло од Линколншир, г-ѓа Гарати се преселила во Шефилд кога имала осум години и работела на неколку работни места, пред да стане чистачка во театар.

Откако се повлекла од театарот на 60-годишна возраст, таа рекла дека ѝ е здодевно, па еден пријател и предложил да работи како келнерка во хотел и таа ја искористила шансата.

Таа изјави дека по пензионирањето ќе може да поминува повеќе време со нејзиното семејство, кое вклучува 16 внуци и 22 правнуци.