Поради вечерашните силни ветрови повеќе од 250.000 домаќинства останаа без електрична енергија, а железничкиот сообраќај беше прекинат во Франција, главно во Нормандија.

Околу 250.000 домаќинства останаа без електрична енергија на северот од земјата, објави Енедис, дистрибутер на електрична енергија во Франција, пренесува Франс 24.

Околу 3.000 техничари се распоредени на терен за итни интервенции.

Storm #Aurore roaring #Paris, #France, bringing wind & rain to the region.
Video ? from @LaurentKolb
#StormAurorepic.twitter.com/WQ36EtMtAu

— Vortix (@VortixWx) October 20, 2021

Железничкиот сообраќај е прекинат на северот од земјата.

Бројни интернет корисници пријавиле потешкотии во пристапот до социјалните мрежи и споделиле фотографии од соборените дрвја што го блокирале преминот на патиштата.

#storm #hurricane A violent storm hit #France today, affected the #Vanderas and #Paris pic.twitter.com/Oeyft1aHSe

— Aleksander Onishchuk (@Brave_spirit81) October 21, 2021

„Поради силни налети на ветер, дрвјата се срушија и го нарушија сообраќајот во провинциите Ил-де-Франс и Нормандија на север и Лорен на исток“, објави министерот за транспорт Жан-Батист Џебари на Твитер.

Бурата Аурора, која вчера попладне ја погоди северна Франција, вечерва се прошири и на истокот на земјата.

Петнаесет француски оддели на истокот се уште се во состојба на жолта готовност, според Метео Франција, предупредувајќи на силни налети на ветер што брзо се движат кон регионот Шампањ-Арден, како и кон Лорен, но тие веќе го губат интензитетот.

Портокаловото предупредување беше укинато во сите погодени одделенија во текот на ноќта.