Светски познатата пејачка Бритни Спирс објави видео на Инстаграм во кое ги покажува своите нокти, но повеќето луѓе се фокусираа на нејзиниот изглед, глас и акцент. Спирс се пофали со растот на нејзините природни нокти со кои, како што самата нагласи, претходно имала проблеми.

„Немам природни нокти од седмо одделение“, изјави пејачката, сепак многумина обрнаа внимание на нејзиното однесување.

„Потребна ѝ е задолжителна терапија“

„Се надевам дека нема да заврши како Мерлин Монро“, „Изгледа како да се дрогира“, „Итно ѝ треба егзорцизам“, „Очигледно ѝ треба некаков надзор или задолжителна терапија“, „Гледаме како умира“, „Вака изгледа како некој што се дрогира четири дена по ред“, „Ова е веќе смешно“, беа дел од коментарите.

 

View this post on Instagram

 

A post shared by XILA MARIA RIVER RED (@britneyspears)

Да потсетиме, Бритни Спирс со години предизвикува различни реакции во јавноста со своите објави и однесување. Се започнало по нејзиниот нервен слом во 2007 година, по што го изгубила старателството над децата кои ги имала со Кевин Федерлајн. Покрај тоа, таа завршила под старателство на нејзиниот татко Џејми, кое траело се до 2021 година.

Пејачката официјално се разведе од третиот сопруг, моделот Сем Агари, на нејзиниот 43-ти роденден. Двојката беше во брак една година, а Сем беше тој што поднесе барање за развод, наведувајќи ги непомирливите разлики.