Џејмс Стивен Доналдсон, познат на социјалните мрежи како Мистер Бист (MrBeast), помина седум дена, жив закопан два метри под земја.

Во специјално опремена кутија со стандардни димензии, тој бил задржан цела недела, а за време на експериментот се соочил не само со физички, туку и со психички последици, пишува „Њујорк пост“.

Мистер Бист решил да го доживее ова застрашувачко и болно искуство под контролирани услови, за да достигне 200 милиони претплатници на Јутјуб, што му успеа.

„Ве молам, не го пробувајте ова дома“, ги предупреди своите 212 милиони следачи.

Сепак, сандакот имал осветлување, довод на кислород, за да не се задуши, имал храна, пет литри вода, па дури и мали тегови за да не му атрофираат мускулите.

По два дена почнал да ги чувствува последиците од повеќечасовното лежење, недостаток на простор и сончева светлина, иако бил многу уморен, не можел да заспие, а солзите сами му течеле. Тој призна дека психички не се чувствувал добро, односно доживеал ментална агонија.

Неговите тројца пријатели цело време го надгледувале, комуницирале со него, па дури и правеле шеги за да го расположат, а неговата реакција по една недела, кога го откопале и здогледал сончевата светлина, беше бесценета.

Иако Џејмс се обидел да вежба – онолку колку што дозволувале димензиите на стаклениот сандак, по излегувањето најтешко му било да застане на нозе. Се чувствувал многу слаб, па дури и лекарот морал да ги провери сите негови витални функции.

Неговото видео на Јутјуб има речиси 60 милиони прегледи, четири милиони лајкови и над 86 илјади коментари.

Сега ги праша своите следбеници – дали следниот пат треба да се обиде еден месец?