Фудбалерите на Јувентус и Милан денеска во дербито од шестото коло во Серија А одиграа реми (0:0). Трагичар на мечот беше напаѓачот на гостите, Кристијан Пулишиќ кој не реализираше пенал во 54 минута.

После ова коло Милан е третопласиран со 13 бодови на табелата во италијанскиот шампионат, додека Јувентус е на петтата позиција со 12 бодови.

Водечки се Наполи на македонскиот репрезентативец Елиф Елмас и Рома со по 15 бодови, додека Интер има 12 бодови колку и Јувентус.

Ова беше петто реми по ред за „Старата дама“ во сите натпреварувања, а трето во Серија А.

Серија А
Недела, резултати:

Удинезе – Каљари 1:1
Болоња – Пиза 4:0
Фиорентина – Рома 1:2
Наполи – Џенова 2:1
Јувентус – Милан 0:0

Табела: Наполи 15 бодови, Рома 15, Милан 13, Интер 12, Јувентус 12, Аталанта 10, Болоња 10…