Фудбалерите на Милан победија на свој терен против Рома со 3:1, во натпреварот од 20 коло на Серија А.

Милан поведе во 11 минута со голот на Јасин Адли, а Оливие Жиру во 56 минута го удвои водството. Рома ја намали негативата со голот на Леандро Паредес од пенал во 69 минута, а Тео Ернандез го постави конечниот епилог во 84 минута.

По третата последователна победа, вкупно 13 во италијанската лига, Милан е трет на табелата со 42 бода, осум повеќе од четвртопласираната Фиорентина. „Росонерите“ имаат четири бода помалку и натпревар повеќе од второпласираниот Јувентус, додека прв е Интер со 51 бод.

Рома е без победа на последните три првенствени натпревари, а по седмиот пораз се наоѓа на деветтата позиција на табелата со 29 бодови.

Во неделата Лацио го победи Лече со 1:0, Каљари ја победи Болоња со 2:1, а Фиорентина и Удинезе ремизираа 2:2.