Во неделата на северот на Мексико пикап падна во провалија, при што загинаа 12 лица, а четворица беа повредени, соопштија властите.

Возилото со 16 патници паднало во провалија од 120 метри височина во планинска област во државата Нуево Леон, во близина на општината Сантијаго, објасни локалниот функционер Ерик Кавазо.

Дванаесет починале на лице место, четворица други се пренесени во болница каде се уште се на лекување, објасни тој.

Al menos 11 personas murieron y otras cinco resultaron lesionadas, tras la caída de un vehículo a un barranco en el municipio de Santiago, en el estado de Nuevo León, norte de #México, informó Protección Civil de la localidad pic.twitter.com/cRNBTMra0H

— David de la Paz 戴维 (@daviddelapaz) March 24, 2025

Претседателот на градскиот совет на Сантијаго, Давид де ла Пења, процени дека несреќата најверојатно се должи на механички проблем, бидејќи на коловозот не се пронајдени знаци на кочење.

Несреќата предизвикала пожар во шумска површина, кој според надлежните е изгаснат.

Сообраќајните несреќи се честа појава во Мексико, поради лошата состојба на патната мрежа и големиот број возила, како и возачите кои возат со голема брзина.

На 11 март 32 лица го загубија животот во две сообраќајни несреќи со автобуси на северот и југот од земјава. Минатиот месец 38 лица трагично загинаа во судир на камион и патнички автобус во југоисточен регион.

Несреќите со камиони кои превезуваат стока се намножија во последните години: се верува дека причините се нивната лоша состојба, замор или невнимание на нивните возачи.

Граѓаните се мобилизираат, бараат да се забрани сообраќајот на камионите со двојни приколки и да се воведат строги санкции за компаниите кои не го одржуваат соодветно својот возен парк.