По многу одложувања, меѓународната флотила денес тргна од Тунис кон Газа, со цел „пробивање на израелската блокада“ и отворање хуманитарен „коридор“.

„Се обидуваме да им испратиме порака на луѓето од Газа дека светот не ги заборавил“, изјави шведската активистка Грета Тунберг пред флотилата да тргне од пристаништето Бизерте, во северен Тунис.

„Бидејќи нашите влади не ги преземаат своите одговорности, немаме друг избор освен да ја земеме ситуацијата во свои раце“, додаде таа.

The Global Sumud Flotilla to Gaza has started sailing out of Tunisia. Al Jazeera’s Hassan Massoud is on board one of the vessels in the fleet aiming to challenge Israel’s blockade of the besieged enclave. pic.twitter.com/BCYBqQJdpb

— Al Jazeera English (@AJEnglish) September 15, 2025

Околу 20 бродови го напуштија Бизерте денеска во зори, објави дописник на АФП.

Јасмин Акар, од Координативниот комитет на Северна Африка, објави слики од туниски бродови на Инстаграм со пораката „блокадата на Газа мора да заврши“, „тргнуваме за солидарност, достоинство и правда“.

Бродовите, кои пристигнаа во Тунис од Шпанија, се преселија во Бизерте по нивниот престој исполнет со инциденти во Сиди Бу Саид во близина на Тунис.

Глобалната флотила Сумуд објави дека два од нејзините брода биле цел на напади со беспилотни летала во текот на две ноќи минатата недела. По вториот инцидент, туниските власти објавија „напад со однапред смислена намера“ и додадоа дека истражуваат.

Француско-палестинската европратеничка Рима Хасан, која како и Тунберг беше на бродот „Мадлин“ што се обиде да ја пробие блокадата на Газа претходно оваа година, за АФП изјави дека „секако“ е загрижена за можноста за нови напади и додаде: „Се подготвуваме за различни сценарија“.

Поаѓањето на флотилата од Тунис беше одложувано неколку пати од безбедносни причини, поради доцнења во подготовката на некои бродови и временските услови.

Two vessels from the Global Sumud Flotilla, an international aid initiative, depart from Ermoupolis port on the Greek island of Syros, heading for Gaza in a bid to challenge Israel’s naval blockade pic.twitter.com/1A4tNFuOiV

— Reuters (@Reuters) September 15, 2025

Глобалната флотила Сумуд (сумуд значи „издржливост“ на арапски), која вклучува и бродови што тргнаа во последните денови од Корзика, Сицилија и Грција, првично требаше да пристигне во Појасот Газа кон средината на септември, по два неуспешни обиди поради израелската интервенција во јуни и јули.