Снимка од младо мече кое се движи по улицата „Цветан Димов“ на влезот во Тетово, накај патот од градот кон излетничкото место Бањиче на реката Пена, денеска беше објавена на социјалните мрежи.

Според објавата, видеото на кое се гледа животното, кое е очигледно младо, но не и мало, е снимено вчеравечер околу полноќ на улицата, од која почнува тетовската Горна чаршија.

Мечките во овој дел од годината често се симнуваат до населени места во потрага по храна, но ова е првпат мечка да биде забележана речиси во градот Тетово. Националниот парк „Шар Планина“ на крајот на мај објави повик за донации во јаболка и пченка за прихрана на мечките, за да се избегнат нивните средби со луѓето.

ВИДЕО: Мече се симнува од молика на Пелистер