Младиот ракометар Марио Танкоски денес потпиша нов договор со Еурофарм Пелистер со важност до јуни 2025 година.

Битолскиот клуб изрази големо задоволство од продолжувањето на соработката со Танкоски.

„РК Еурофарм Пелистер со особено задоволство ја информира јавноста дека ракометарот Марио Танкоски потпиша нов договор со нашиот клуб, заклучно со јуни 2025 година. Ова е продолжување на соработката со средниот бек за уште две сезони, со што клубот покажува континуитет и му укажува доверба на проектот и ракометарот. Тенденцијата најдобрите македонски ракометари да играат во нашиот дрес продолжува и во тој правец е следниот потпис.

Боите на Еурофарм Пелистер Танкоски ги брани од 2020 година и „пелистерци“ очигледно се задоволни од она што тој го прикажува.