Додека ден по натпреварот меѓу фудбалерите на Атлетико и Реал Мадрид во Лигата на шампионите се води дебата за тоа дали голот на Хулијан Алварез беше регуларен, многумина се сетија на слична ситуација што му се случи на неговиот сонародник Лионел Меси.

Славниот Аргентинец постигна гол во пенал рулетот за време на финалето на Светското првенство во Катар против Франција, но потоа, како и Алварез против Реал, двапати ја допре топката.

Единствената разлика е во тоа што Меси прво ја шутна топката, па таа удри во другата нога и заврши во мрежата. Алварез прво ја допре топката со другата нога пред да го изведе ударот, но и во двата случаи беше направен престап, голот на играчот на Атлетико беше поништен, додека на Меси не.

Она што е всушност најинтересно во оваа приказна е дека судијата и во двата натпревари беше истиот – Шимон Марчињак.

Полјакот тогаш не доби сигнал од ВАР-собата да ја погледне спорната ситуација, па останува прашањето дали воопшто го виделе тој детал.

Или едноставно е потребно да се вика Лионел Меси за да биде имун на такви „ситни“ прекршоци како неправилно изведен пенал во финалето на Светското првенство. Впрочем, како би реагирале Аргентинците доколку Марчињак тогаш постапил според правилата..

C’est bien, ça ne dérangeait personne quand Messi a fait la même action sur le penalty lors de la Coupe du Monde contre la France.

Bravo le Real Vardride. pic.twitter.com/yOZy1EZAij

— BetProno (@BetPronooo) March 12, 2025

? More footage of Julian Alvarez’s penalty.

You decide if it was a double touch.pic.twitter.com/zpHZwnpRT0

— Atletico Universe (@atletiuniverse) March 13, 2025