Eкипата на Манчестер Сити славеше победа од 1:0 против Саутемптон во рамките од деветото коло во англиската Премиер лига.

Актуелниот шампион така дојде до првото место на табелата каде што ќе остане најмалку до утрешниот натпревар помеѓу Ливерпул и Арсенал. Единствениот гол „граѓаните“ денеска го постигнаа во петтата минута кога Халанд се најде на вистинското место по нафрлувањето на Матеуш Нунеш.

Имаше иницијатива Манчестер Сити во текот на натпреварот, меѓутоа и Саутемптон знаеше да се закани, па така во една ситуација Арчер ја погоди пречката.

Одличен натпревар одиграа Брентфорд и Ипсвич каде што домаќините победија со 4:3. По половина час Ипсвич водеше со 0:2, но направи голем пресврт и поведе со 3:2. Гостите пред крајот изедначија на 3:3, меѓутоа длабоко во судиското продолжение Мбуемо со својот втор гол на средбата обезбеди три бода за својот тим.

На останатите две средби немаше победник, Астон Вила одигра 1:1 против Бормут, додека средбата помеѓу Брајтон и Вулвс заврши 2:2.