Манчестер сити до некаде ја подигна формата во изминатите натпревари, сепак Ливерпул во денешното дерби одигра сигурно и покажа дека во овој момент подобар тим славејќи победа со 0:2.

Натпреварот беше решен во првото полувреме кога Ливерпул ги постигна двата гола.

Прво Салах го отвори резултатот во 14. минута, а потоа Собослаи во 37. минута стрелаше за 0:2, Салах во оваа ситуација беше асистент.

Ливерпул по водството од два гола не создаваше премногу прилики, но изгледаше сигурно и не дозволуваше домаќинот да постигне гол со кој би ја вратил неизвесноста. Омар Мармуш ја погоди мрежата, меѓутоа неговиот гол сосема оправдано беше поништен поради недозволена позиција.

Во второто полувреме видовме поништен гол поради истата причина и на Ливерпул.

На табелата Ливерпул е лидер со 64 бода, 11 повеќе од Арсенал кој има натпревар помалку, но во овој момент Ливерпул не изгледа како тим кој би можел да испушти толкава предност во последните 11 кола од првенството.