Фудбалерите на Манчестер јунајтед го победија Евертон со 3:0 во натпреварот од 13 коло во Премиер лигата.

Стрелци за Јунајтед беа Алехандро Гаранчо во третата, Маркус Рашфорд од пенал во 56 и Ентони Марсијал во 75 минута.

Јунајтед ја забележа осмата победа во првенството и со 24 бодови го зазема шестото место на табелата.

Евертон по одземањето на 10 бода поради кршење на финансискиот фер-плеј се израмни на последното, на 20 место со четири бода.

Во следното коло Јунајтед ќе му гостува на Њукасл, додека Евертон оди кај Нотингем форест.