Мал авион се судри со паркиран авион во понеделникот попладне при обид за слетување на аеродром во Монтана, САД. Според Асошиејтед прес, судирот предизвикал голем пожар, но за среќа немало посериозно повредени.

Едномоторниот авион, со четири лица во него, полетал од Вашингтон и се обидел да слета на аеродромот Калиспел во 14 часот по локално време, според началникот на полицијата Џордан Венецио и Федералната администрација за воздухопловство (ФАА).

WATCH: Scott Carpenter sent us this video of the plane crash at the Kalispell City Airport. NBC Montana has a reporter on scene. LATEST: https://t.co/ydTXF8BavJ pic.twitter.com/8u66O2n1RG

— NBC Montana (@NBCMontana) August 11, 2025

Прелиминарната истрага покажа дека пилотот ја изгубил контролата, што предизвикало авионот да се урне на пистата, а потоа удрил во неколку паркирани авиони и запалил неколку. Пожарот се проширил на тревна површина пред да биде изгаснат од страна на Противпожарната служба.

Патниците на авионот успеале сами да излезат откако тој застанал. Двајца од нив биле полесно повредени и им била укажана прва помош на малиот локален аеродром лоциран јужно од градот Калиспел, кој има население од околу 30.000 жители.

Рон Даниелсон, менаџер на блискиот хотел, рекол дека го слушнал и видел падот пред областа да биде покриена со густ, црн чад.

„Беше како да ја ставиш главата во тапан и некој да ја удира најсилно што може“, изјавил тој за Асошиејтед Прес, опишувајќи го оглушувачкиот звук.

Консултантот за безбедност во воздухопловството Џеф Гучиети, поранешен истражител на несреќи на ФАА, изјави за Асошиејтед Прес дека инциденти каде што авиони се судираат со паркирани авиони се случуваат неколку пати годишно во приватната авијација.

Во февруари, авион „Лирџет“ во сопственост на пејачот на „Мотли Кру“, Винс Нил, излета од пистата во Скотсдејл, Аризона, и се урна во паркиран „Галфстрим“, при што загина едно лице.