Денеска македонската фудбалска репрезентација до 14 години во пријателски натпревар ремизираше на гости во Раденци против Словенија со 2:2.

По првото полувреме мируваа мрежите на двете страни, но затоа во вториот дел видовме четири погодоци.

Поведоа словенечките надежи со голот на Лелјак во 54 минута, а веднаш во следниот напад Македонија израмни преку Крстевски.

Дојдовме до позитива во 69 минута благодарение на голот на Ристиќ, а противникот успеа да го избегне поразот во 76 минута кога стрелаше Џуздановиќ.

Двете репрезентации ќе тестираат уште еднаш на 11 мај на истиот терен во Раденци.