Фудбалската репрезентација на Македонија по првото полувреме сосема заслужено има предност против Лихтенштајн, а најзаслужен за тоа беше Елиф Елмас кој ја погоди мрежата по еден фантастичен соло продор.

Се играше 15. минута кога Елмас тргна кон противничкиот гол и во стилот на Лионел Меси во најдобрите денови помина неколку противнички фудбалери и ја смести топката зад голманот Бухел, за голот да биде поатрактивен, тоа топката помина низ неговите нозе.

Во продолжение Македонија создаде уште неколку полушанси, констатно се играше на половината на Лихтенштајн, а Димитриевски и воопшто да немаше работа.