Фудбалската репрезентација на Македонија ремизираше на првиот од двата контролни натпревари пред настапот на Европското првенство. Избраниците на селекторот Игор Ангеловски на Националната арена „Тодор Проески“ одигра 1:1 против Словенија.

Фудбалерите одиграа според очекувањата, ја имаа контролата на играта, беа пдобар противник на теренот, играа офанзивно, но на крајот беа казнети за промашувањата.

Шансите на Пандев во првото полувреме како и на Тричковски, Ристовски, Алиоски во второто не резултираа со гол, единствен кој ја погоди мрежата на Јан Облак беше Елиф Елмас во 55. минута  кој со мајсторки гол ја круниса одличната акција. Сепак, во последните моменти од натпреварот, Словенија успеа да се спаси од пораз откако Црнигој го совлада Димитриевски.

Последната проверка пред настапот на ЕП, Македонија ќе ја има во петок, а натпреварот исто така ќе се игра во Скопје, а противник е селекцијата на Казахстан.