ВИДЕО | Лавина критики и коментари: Шарлиз Терон му испрати јасна порака на Џони Деп, тој не постои за неа
Актерката Шарлиз Терон (50) предизвика лавина од коментари во текот на ревијата на „Диор“ во рамките на Модната недела во Париз, откако на настанот целосно го игнорираше својот колега Џони Деп (61), со кого го снимаа филмот „Сопругата на астронаутот“ (The Astronaut’s Wife) во 1999 година.
Препорачано
Додека топло ги поздравуваше Бернар Арно, сопственикот на ЛВМХ, и првата дама на Франција Брижит Макрон, Шарлиз Терон се преправаше дека Џони Деп не постои – и покрај фактот дека двајцата со години се поврзани со соработка со „Диор“.
Добро е познато дека Деп е заштитно лице на машкиот парфем „Sauvage“, а Шарлиз го промовира легендарниот женски мирис „J’Adore“ веќе две децении. Но, нивните патишта, се чини, повеќе немаат допирни точки. На социјалните мрежи наскоро се појави видео од моментот во кој актерката поминува покрај Деп, кој стои веднаш до Брижит Макрон, како да не постои, што предизвика бурни реакции од следбениците и критичарите.
Еден корисник на социјалната мрежа Икс напиша: „Шарлиз Терон го игнорира Џони Деп, со кого работеше на ‘Сопругата на астронаутот’.
View this post on Instagram
Тој дополнително истакна дека минатата година на Шарлиз Терон ѝ се допаднал и го „лајкнала“ написот во „Тајм“ во кој се критикува враќањето на Џони Деп во јавноста по повеќегодишниот судски процес со поранешната сопруга Амбер Херд.
Откако ја доби тужбата за клевета против Херд во 2022 година, Деп полека се обиде да ја обнови својата кариера. Тој се врати во јавноста со филмот „Жана ди Бари“, кој премиерно беше прикажан на фестивалот во Кан и беше дочекан со стоечки овации. Во целата голгота со разводот, неговата соработка со „Диор“ никогаш не престана, а се сврте и кон музиката, настапувајќи со бендот „Холивудски вампири“. Сепак, неговото враќање досега повеќе се потпира на европската сцена отколку на холивудската сцена.
На модната ревија на „Диор“, Деп седеше во првиот ред со Брижит Макрон, со која срдечно и пријателски разговораше и позираше пред камерите. Актерот пристигна во лежерна, но елегантна верзија – сивото палто го искомбинирал со кошула и фармерки, додека Брижит, како и секогаш, избрала класична француска елеганција. Деп беше виден и како позира со својата пријателка, модната дизајнерка Стела Макартни, ќерката на легендарниот „Битлс“ Пол Макартни.
ВИДЕО | Џони Деп во првите редови на ревијата „Диор“ на модната недела во Париз
Продуцентот на „Пиратите од Карибите“: „Би сакал Џони Деп да се врати за шестиот филм“
