Десетгодишната доминација на Баерн Минхен во Бундеслигата изгледа ќе заврши оваа сезона. Лајпциг вечерва славеше во Минхен со 3:1 во дербито од претпоследното 33-то коло во Бундеслигата. Со оваа победа Лајпциг го отвара патот до шампионската титула за Борусија Дортмунд.

Борусија Дортмунд со 67 бода е второпласирана, а Баерн со натпревар повеќе има 68. „Милионерите“ утре му гостуваат на Аугусбург и во последното коло играат против Мајнц, па победа во овие два натпревари за нив ќе значи титула.

Баерн денес играше онака како што навикнавме да го гледаме цела сезона од сјај до очај. Водеше на полувремето со голот на Гнабри, а потоа целосно потона и Лајпциг направи целосен пресврт со головите на Лајмер, Нкунку и Собослаи. Вториот и третиот гол гостите ги постигнаа од пенал.

Треба да се спомене дека за Баерн ова прв пораз на домашен терен оваа сезона и дојде во најлош можен момент.