Фудбалерите на Лацио и Рома одиграа нерешено 1:1 (0:0) во градското дерби од 32 коло во најквалитетното италијанско првенство.

Лацио поведе со голот на Ромањоли (47`), кој со глава ја затресе мрежата на Свилар, а израмнувањето се случи во 69 минута кога Суле стрелаше одлично удар од 25 метри.

Со ова реми, Лацио остана шести на табелата во Серија А со 56 бодови, два повеќе од седмопласираната Рома.

Веднаш пред нив се четвртопласираниот Јувентус со 59 и петтопласираната Болоња со 57 бодови, а потоа следуваат Фиорентина со 53 и Милан со 51.

Интер води со 71 бод, шест повеќе од второпласираниот Наполи кој има меч помалку.