Се откажуваат вонредните локални избори во втор круг што требаше да се одржат затоа што ниеден од двајцата кандидати не победи, а цензусот не беше исполнет во Општина Маврово-Ростуше.

За тоа како ќе се управува општината која нема потврден градоначалник по неуспехот да се постигне цензус во Утрински брифинг разговаравме со Медат Куртовски, актуелниот градоначалник на Општина Маврово-Ростуше кој продолжи да ја извршува функцијата градоначалник како назначен владин повереник а сѐ до распишување на нови избори.

-На претходните избори ни недостасуваа 150 гласови за да имаме цензус и ако ВМРО-ДПМНЕ и опозицијата излезеа на изборите сега немаше да бидеме во оваа ситуација, вели Куртовски.

Цензусот го прават нашинците кои работат во странство, главно во Италија, но поради ковид-кризата поголем број од нив решија да не се вратат поради карантините и можноста да го загубат работното место.

-Ние, како месно население, сме против припојување на нашата општина кон друга општина. Кога бевме дел од Општина Гостивар знаеме колку ни беше тешко да ги организираме и спроведеме работите во Маврово-Ростуше, вели Куртовски за Утрински брифинг.

Проследете го целиот разговор во видеото