Давид Кубацки триумфираше во рамките од Светскиот куп во ски скокови во норвешкиот Лилехамер.

Полјакот до победата стигна со скокови од 137,5 и 138,5 метри за вкупно 283,1 поени. Анже Ланишек од Словенија беше второпласиран со 275,7 поени и скокови од 139 и 136 метри.

На подиумот заврши и водечкиот после првата серија, Австриецот Даниел Шофениг кој собра 273,9 поени.

Германецот Маркус Ајзенбихлер имаше скок од дури 146 метри и го израмни рекордот на скокалницата претходно поставен од Швајцарецот Симон Аман.

Во генералниот пласман убедливо води Хавор Егнер Гранеруд од Норвешка со 1878 бодови, пред Кубацки кој има 1560. На третата позиција е Штефан Крафт со 1370 бодови.