
ВИДЕО: Кристијано Роналдо го постигна 700 гол, Јунајтед славеше против Евертон
Кристијано Роналдо сезонава ретко игра, добива шанса од клупата, но еве повторно успеа да испише историја. Португалецот го постигна 700 гол во кариерата, а Манчестер јунајтед го совлада Евертон на гости во 10 коло од Премиер лигата по пресврт – 2:1.
Препорачано
-
1
-
2
-
3
Роналдо и вечерва беше меѓу резервите, шанса доби во 29 минута кога се повреди Марсијал, а потоа во 44 минута искористи одлична асистенција од Касемиро и го постави конечниот епилог.
Ниту еден играч нема постигнато повеќе голови во клупската кариера од Роналдо, а на второто место е Лионел Меси со девет гола помалку. Евертон поведе во петтата минута, Касемиро ја загуби топката, која по добрата реакција на Онана дојде до Ивоби. Репрезентативецот на Нигерија ја пласираше топката од далечина и постигна убав гол.
700 CLUB GOALS ?
THE ONE AND ONLY CRISTIANO RONALDO ? pic.twitter.com/B2ipbUhsZN
— ESPN FC (@ESPNFC) October 9, 2022
Десет минути подоцна Јунајтед израмни, а стрелец беше Антони. Фудбалерите на Евертон овојпат ја загубија топката во центарот, а Марсијал му асистираше на Бразилецот, кој во дресот на „црвените ѓаволи“ го постигна третиот гол во Премиер лигата. Помеѓу двата гола на Јунајтед одлична шанса имаше Касемиро, додека најдобрата можност домашните ја имаа во финишот преку Гарнер, но Де Хеа одлично интервенираше.
На табелата Јунајтед е на петтата позиција со 15 бодови, девет помалку од водечкиот Арсенал кој славеше во дербито против Ливерпул. Евертон после третиот пораз оваа сезона се наоѓа на 12 место со 10 бодови.
ВИДЕО: Арсенал во дербито го совлада Ливерпул и се врати на врвот во Премиер лигата