Фронтменот на „Колдплеј“, Крис Мартин, на хумористичен начин ја предупреди публиката на неговиот последен концерт во Медисон, Висконсин, дека би можеле да завршат на големото платно – три дена откако ненамерно откри наводна афера помеѓу извршниот директор на „Астрономер“ и раководителката на човечки ресурси на компанијата.

@sonia.gogan Coldplay Chris Martin did not mention the CEO at the Madison show following Boston last week. He did give much of a warning to fans, and reccomended they do their makeup if they haven’t already… makes me wonder why the CEO and CPO thought maybe we shouldn’t hug right now.. #coldplay #coldplayconcert #madisonwisconsin #uwmadison #coldplayaffair #affair #astronomerceo ♬ original sound – Sonia Gogan

„Сакаме да поздравиме некои од вас во публиката и да ве покажеме на големиот екран“, рече Мартин за време на настапот на стадионот „Камп Рандал“. „Како ќе го направиме тоа? Ќе ги користиме нашите камери и ќе ве покажеме таму горе“. Потоа следеше уште едно предупредување: „Ве молам, ако сè уште не сте се нашминкале, сега е време“.

Видеото од концертот брзо се прошири на социјалните мрежи, а коментарите не престануваа.

„Не требаше да го каже тоа, можеби повторно ќе откриеа афера“, „Не треба ништо да каже. Не треба да се срами што откри нечие неверство“, „Мислам дека овој бенд секогаш ќе има полни сали од сега па натаму“, „Барем сите беа предупредени овој пат“, „Требаше да каже: „Ако си со љубовник, скриј се““, се дел од коментарите.

Коментарот на Мартин доаѓа по инцидентот што се случи неколку дена претходно, на 17 јули, на концерт во Фоксборо, Масачусетс, како дел од светската турнеја „Сфери“, кога камерите фатија маж и жена во многу блиска прегратка за време на таканаречената „камера за бакнување“.

@instaagraace trouble in paradise?? 👀 #coldplay #boston #coldplayconcert #kisscam #fyp ♬ original sound – grace

Но, ситуацијата брзо стана непријатна – кога видоа дека се на екранот, жената го покри лицето, а мажот се наведна под кадарот и исчезна од видното поле. Потоа жената ја сврте главата и брзо си замина.

Дуото брзо беше идентификувано: мажот беше Енди Бајрон, извршен директор на „Астрономер“, а жената беше Кристин Кабот, директорка за човечки ресурси во истата компанија. Сфаќајќи дека двојката можеби има приватни причини за криење, Мартин се обиде да се пошегува: „Или имаат афера или се само многу срамежливи“. Додека го напуштаа кадарот, тој додаде: „Се надевам дека не направивме ништо погрешно“.

Фатен на дело: Суспендиран директорот на „Астрономер“ по аферата на концертот на „Колдплеј“!