Една од најголемите ѕвезди во НБА на 21. век, Кармело Ентони по 20 години долгата кариера заминува во пензија.

Во изминатите години Ентони стана еден од симболите на најсилната кошаркарска лига, а на „Ол-стар“ натпреварите учествуваше дури десет пати. Ентони е член и на друштвото 75 најдобри кошаркари на сите времиња и во моментов деветти најдобар стрелец на вечната листа.

Најголем дел од кариерата помина во Денвер и Њујорк, а играше уште за Оклахома, Хјустон, Портланд и Лејкерс.

Сепак, најголема трага остави во Њујорк Никси каде што помиан шест години, а најдобра сезона за него беше 2012/2013 кога беше најдобар стрелец во лигата и го одведе својот тим до полуфиналето на Истокот.

Заминувањето во пензија, Ентони го потврди преку социјалните мрежи.

Thank you #STAYME7O pic.twitter.com/4au8cOd13s

— Carmelo Anthony (@carmeloanthony) May 22, 2023