Теренс Крафорд ја запиша најголемата победа во својата кариера, откако со едногласна одлука на судиите го совлада мексиканската ѕвезда Саул „Канело“ Алварез и стана првиот боксер во историјата кој освоил шампионски титули во три различни тежински категории.

Во спектакуларниот меч што се одржа пред 65.000 гледачи и се емитуваше преку „Нетфликс“, Крафорд доминираше од самиот почеток, не оставајќи простор за Алварез да се наметне. Единствена шанса за Канело беше евентуален нокаут, но Крафорд не дозволи такво сценарио.

По 12 рунди борба, судиите без дилеми го прогласија Американецот за победник, крунисувајќи го со титулата во супер-средна категорија. Со оваа победа, Крафорд влезе во аналите на боксерската историја, како првиот кој успеал да биде светски шампион во три различни категории.