Денеска во Косовска Митровица се случи инцидент, кога косовски полицаец реагираше и фати за врат српски матурант за време на прослава низ улиците во центарот на градот. Матурантот се обиде да се одбрани, а на неговиот врат беа видливи траги од крв. Тој бил „спасен од понатамошно малтретирање од страна на граѓани и професори“, пишуваат српските медиуми.

Инцидентот се случи во центарот на Косовска Митровица, кога матурантите од средно училиште, во придружба на нивните професори и со музика од трубачи, традиционално парадираа низ градот. Како што тврдат Србите, имале реакции од кафуле, од кое еден од гостите го покажал симболот на орел и голема Албанија, а матурантите одговориле со покажување среден прст.

На снимката се гледа како полицаецот истрчува до колоната и фаќа за вратот еден од матурантите, извлекувајќи го од групата, додека тој се обидува да се одбрани. Според матурантите, нивниот соученик потоа бил малтретиран пред другите граѓани, како и пред колега кој се обидувал да ја смири ситуацијата.