ВИДЕО | Констракта за инфлуенсерите: Одбивам да земам 5.000 евра за објава на Инстаграм
Српската пејачка Ана Ѓуриќ – Констракта доби бројни понуди за спонзорства откако победи на националниот Избор на песна за Евровизија во 2022 година, со песната „In Corpore Sano“.
Препорачано
Таа неодамна гостуваше во поткастот „Сто минути врева“ и проговори на оваа тема. Имено, таа потенцираше дека не ѝ се допаѓа приказната зад рекламирањето на социјалните медиуми.
„Не сум океј со тоа. Ќе го наплатам мојот лик и дело, океј, ајде. Но, зошто би земала 5.000 евра за една објава? Сметам дека е навредливо за луѓето кои работат секој месец, од 9 до 17 часот, и работат некоја одговорна работа. Не сакам да учествувам во тоа“, рече таа во подкастот „Сто минути врева“.
svaka čast na svemu ikada, obožavam je pic.twitter.com/aRCnEHgbDl
— Greška generacije (@stefidzax) February 10, 2024
„Искрена жена, ѝ симнувам капа“, „Во право е, луѓето ќе направат сè за да покажат дека се повредни од другите на Инстаграм“, се дел од позитивните коментари. Според останатите, таа треба да ги земе парите доколку ѝ се понудат, а не да размислува многу.
Да потсетиме, Констракта го освои петтото место во финалето на Евровизија, што е најдобар резултат на Србија во претходните 10 години.
Таа и годинава учествува на српскиот национален избор со песната „Ново, боље“.
