Извори ги негираа гласините дека актерите Роберт Дауни Џуниор и Рајан Рејнолдс се скарале за време на снимањето на „Одмаздници: Судниот ден“, објавува „Дејли мејл“. Дауни го игра доктор Дум во филмот, но засега нема потврда дали Рејнолдс ќе ја повтори својата улога како Дедпул во проектот.

Сепак, кога Џо Роча во својот поткаст тврдеше дека двајцата познати актери имале конфликт на снимањето на филмот откако еден од нив направил шега што била премногу лична, некои корисници на социјалните мрежи шпекулираа дека станува збор за Рејнолдс и Дауни.

„Според она што јас го знам, била направена шега што била премногу лична, а со оглед на тоа што овие актери не се познавале добро, тоа ја преминало границата. И еден од актерите се налутил многу поради тоа, се соочил со другиот актер и тоа предизвикало голема расправија и ќе застанам тука, дека двајцата многу познати актери се скарале“, рече Рош.

Иако непотврдени, шпекулациите стигнаа до медиумите, а сега се демантирани. Изворот тврди дека „нема лоша крв“ меѓу колегите.

Во последните месеци, јавниот имиџ на Рејнолдс беше засенет од правната битка што тој и неговата сопруга, актерката Блејк Лајвли, ја водат против нејзиниот колега од „Ова завршува со нас“, Џастин Балдони.

Did Robert Downey Jr get into a fight with Ryan Reynolds on the set of Avengers Doomsday over Blake Lively 👀

Will Blake use this as new evidence of an ongoing untraceable smear campaign?? pic.twitter.com/DfRv5fI2qx

— Zack Peter (@justplainzack) August 25, 2025

Во декември 2024 година, Лајвли го тужеше својот колега за сексуално вознемирување и организирање кампања за клевета против него. Балдони ги негираше нејзините обвинувања и поднесе контратужба против неа. Покрај неа, тој го тужеше и нејзиниот сопруг. Сепак, судот ја отфрли неговата тужба во јуни.