Јанко Пенафорт, професионален музичар и пејач од Богота, Колумбија и вљубеник во македонскиот фолклор повторно го привлече вниманието на македонската публика со изведба на песната „Распукала Шар Планина“ и тоа среде Скопје.

Иако нема македонско потекло, татко му е Колумбиец, а мајка му Украинка, Јанко веќе неколку години пее на македонски и со многу љубов ги изведува нашите народни песни. Овој пат, песната „Распукала Шар Планина“  ја отпеа во придружба на својот бенд во центарот на Скопје.

Имено, Јанко престојува во нашиот главен град заедно со членовите на својот бенд и е вистинска атракција. Освен што гордо запеа покрај кејот на Вардар, тој настапи и на концертот на македонскиот пејач Влатко Миладиноски, каде доби громогласен аплауз.

ВИДЕО | Вљубен во македонскиот фолклор: Колумбиец ја отпеа „Македонско девојче“ и ги воодушеви Македонците