Од денес до четврток е забранета физичката активност на отворено, одлучи Владата на вчерашната седница. Седницата беше одржана исклучиво заради потребата да се донесат мерки за заштита од високите температури, кои достигнуваат портокалово ниво на опасност.

– Владата поради топлото време донесе препораки за ослободување од работа на неколку категории граѓани и забрана за физичка активност на отворено. Од работни обврски се ослободуваат бремените жени и лица на возраст над 60 години во периодот од 12 до 18 јули. Во истиот период, работодавачите да ги реорганизираат работните активности на градежните работници и на работниците кои работат на отворено, со што ќе се избегне вршење на градежни и други физички активности на отворено во периодот од 11 часот до 17 часот. Се донесе одлука детските градинки да не практикуваат физичка активност и да не се изнесуваат децата на отворено од 11 часот до 17 часот – соопшти Владата.

Но колку мерките реално се почитуваат? Камерата на „Слободен печат“ прошета по скопските улици. Дали и колку се почитуваат мерките на Владата проценете сами од следното видео на колегата Методи Здравев: