Случајот со бруталното убиство на 12-годишното француско девојче пронајдено во куфер во близина на нејзиниот дом во Париз, е обвиено со мистерија.

Истрагата за убиство е покрената откако бездомник наводно налетал на куферот доцна во петокот навечер и ја пронашол малечката Лола внатре.

Таа претходно била пријавена за исчезната од страна на нејзината мајка кога не се вратила дома од училиште.

Обдукцијата покажа дека на телото има видливи повреди како исеченици на грлото, а стапалата и зглобовите и биле врзани, а околу лицето имала леплива лента.

Француската телевизија BFMTV, исто така, цитираше полициски извор кој рече дека броевите 1 и 0 биле оставени врз нејзиното тело, прилепени со „направа“, а не исцртани или врежани.

Meurtre de Lola: ce que l'on sait de la principale suspecte au cœur de l'enquête pic.twitter.com/ZA2fpmu7u3

— BFMTV (@BFMTV) October 17, 2022

Девојчето умрело од задушување, а трагите од испрсканата крв покажува дека била жива кога ја врзале со лента.

Снимката од видео надзор ја покажа Лола како влегува во нејзината зграда зад жена која подоцна беше видена како го влече куферот.

Еден локален жител изјави за BFMTV дека ја видел жената како го влече куферот наоколу.

„Ја видовме како влегува во зградата, таа беше сосема сама… ја видовме половина час подоцна со куфер, таа зборуваше по малку со сите, изгледаше како да е малку луда“, рече тој.

„Таа се мачеше да го носи куферот, мислевме дека тоа е поради тешки предмети внатре, а таа беше прилично слаба – никогаш не мислевме дека тоа е тело… Беше 17 часот и таа шеташе со тој куфер, дури и го остави надвор пред кафулето и отиде во пекарницата отспротива за да купи кроасан како ништо да не се случило“.

FOCUS PREMIÈRE – Meurtre de Lola: deux suspects bientôt déférés devant la justice pic.twitter.com/xGm2KyYlFq

— BFMTV (@BFMTV) October 17, 2022

Ле Паризиен соопшти дека снимката од безбедносните камери ја видел и таткото на Лола и други лица кои се вклучиле во првичната потрага по неа.

? Lola, 12 ans, égorgée à Paris : les 4 suspects en garde à vue sont nés en Algérie, au moins un est clandestin

La piste d’un meurtre gratuit et insensé sur fond de marginalité est privilégiée https://t.co/dylfLdBwEQ

— Amaury Brelet (@AmauryBrelet) October 16, 2022

„Ја гледаме Лола внатре“, рекол соседот кој ја видел снимката. „Но, малото девојче не е само. Со неа има жена на возраст од дваесет години. Госпоѓата ѝ прави гест како да ѝ кажува да дојде“, додавајќи дека „Лола воопшто не изгледала вознемирено“.

Четири лица се приведени, меѓу кои и жената видена на снимките, како и човекот кој ја пронајде Лола.

Истрагата е во тек.