Пратеникот Кастриот Реџепи денеска на прес конференција во Собранието пред новинарите посочи дека на денот на собраниската седница за гласање на недоверба на Владата самоволно се засолнил со цел да не дозволи земјата да отиде во правец кој е спротивен на неговите убедувања. Како што посочи, решил јавно да излезе и да го каже тоа за да нема забуни и шпекулации за неговото отсуство.

Јас сум мирен, со чиста совест. Нема поголема чест да ја водиш својата земја на патот кон слободат, демократијата, кон НАТО и ЕУ. Самоволно се засолнив на денот на седницата за доверба на Владата, за да не дозволам земјата да ни отиде во правец кој е спротивен на мојата идеолошка определба, рече Реџепи пред новинарите.

Тој исто додаде дека дента добивал многу пораки меѓу кои и закани по неговиот живот.

Во четвртокот, лидерот на Беса прво го пријави Реџепи како исчезнат во полиција, за ден подоцна да го исклучи од партијата.