Манчестер сити со стил го доби големото градско дерби, совладувајќи го Манчестер јунајтед со убедливи 3-0 на „Итихад“ во рамки на четвртото коло од Премиер лигата.

Иако „црвените ѓаволи“ имаа свои обиди за погодок, Донарума не дозволи изненадување и со неколку интервенции ја сочува својата мрежа. Резултатот беше отворен во 18. минута кога го погоди Фил Фоден.

На почетокот од второто полувреме Ерлинг Халанд ја зголеми предноста на „граѓаните“, а обидите на екипата на Рубен Аморим да се врати во игра останаа безуспешни. Норвешкиот голгетер повторно беше во вистинско време на вистинското место и со вториот свој гол ја потврди победата на Сити.