Новинарот и аналитичар Борјан Јовановски во студиото на Утрински брифинг ги коментираше случувањата во Украина и политичките преговори кои треба да ја окончаат војната која трае повеќе од еден месец.

-Цинично звучи да кажам дека гледам оптимистички на целата ситуација во Украина, бидејќи има многу жртви, но целава приказна ќе го декомпонира митот за големата руска армија, која гази се. Сериозно ќе ги ослабе позициите на Путин. Многу ми е драго кога го гледам Зеленски како држи лекции во секој Парламент во ЕУ. Таа ЕУ во последната декада се претвори во структура која ја раководат некакви чиновници кои појма немаат од ништо, вели Јовановски.

Војната во Украина, од друга страна покажа единство во Европската унија во однос на одлуките и пред се санкциите со кои се казнува Русија за инвазијата во соседната земја.

-Парадоксално е, но еве се најде Путин, да ја консолидира ЕУ. Сега е прашање како да се најде егзит стратегија за Путин. Тој заглави во Украина, треба да излезе од Украина и да му се смисли некој наратив дека тој е некаков победник , изјави за Утрински брифинг новинарот Борјан Јовановски.

Целиот разговор погледнете го видеото: