Јапонските власти побараа од стотици жители на градовите во Јапонија да ги напуштат своите домови бидејќи огромната дупка што ненадејно се создаде на патот на периферијата на главниот град и ги „проголта“ камионот и неговиот возач продолжува да расте.

Според Си-ен-ен, операцијата за спасување на постариот возач на возилото што падна во огромната дупка продолжува под сè понеповолни услови, бидејќи дијаметарот на дупката се зголемил за четири пати во четирите дена што поминале од неговото појавување.

Rescuers are racing to save a man swallowed by a massive sinkhole in Japan while driving a truck through an intersection, with a second sinkhole opening up and residents ordered to evacuate amid fears of further collapse. https://t.co/kVX8aNrlSo pic.twitter.com/4MXg9MonzD

— The Washington Post (@washingtonpost) January 29, 2025

Минатиот вторник, дел од коловозот на раскрсница во градот Јаширо, на околу 30 километри северно од Токио, попуштил, голтајќи камион тежок три тони и неговиот 74-годишен возач. Веднаш беше започната огромна спасувачка операција, но до денес тоа не даде никакви резултати.

Дупката сега се прошири на пречник од 40 метри – четири пати поголема отколку кога првпат се појави – изјави локален претставник за Си-ен-ен денеска.

„Внатрешноста продолжува да кородира, а дупката секој ден станува сè поголема“, изјави портпаролот на агенцијата одговорна за канализацијата на префектурата Саитама.

Спасувачите користеле кранови за да подигнат дел од камионот и испратиле дронови во дупката, но од вторникот не можат да стапат во контакт со возачот.

Надлежните проценуваат дека кородираните цевки од канализацијата можеби предизвикале слегнување на земјата, додека истекувањето на канализацијата веројатно ја влошило ситуацијата. На жителите на 200 домови во областа им е наложено да се евакуираат. Дополнително, локалните власти побараа од 1,2 милиони жители да избегнуваат капење и перење алишта со цел да се ограничи производството на отпадни води и да се олесни операцијата за спасување во нестабилното тло.

ВИДЕО | Во Токио трка со времето за спасување на возач кој со камионот пропадна во дупка на улица