Палестинското претседателство денеска го осуди „етничкото чистење“ што Израел го врши на окупираниот Западен Брег , изјави неговиот портпарол во изјава за агенцијата „Вафа“, додека израелскиот премиер Бенјамин Нетанјаху е во Соединетите држави каде ќе се сретне со претседателот Доналд Трамп.

Осудувајќи ги воените операции извршени од Израел во последните денови, главно во северниот дел на Западниот Брег, Набил Абу Рудеина оцени дека тие имаат за цел „да ги спроведат плановите за присилно раселување и етничко чистење“.

A video from Jenin, northern West Bank, shows the Israeli army bombing several residential buildings. pic.twitter.com/wFxowg8QTI

— Ihab Hassan (@IhabHassane) February 2, 2025

Тој ја повика американската влада „да интервенира (…) пред да биде предоцна. Ако овие насилства продолжат, процени Абу Рудеина, тие може да доведат до „неконтролирана експлозија на ситуацијата, за која цел свет ќе ја плати цената“.

Израел изврши широка воена операција на северниот дел на Западниот Брег во неделата, уништувајќи многу згради, според израелската армија и додаде дека од 14 јануари убиле повеќе од 50 „терористи“. Со поддршка од багери, беспилотни летала и оклопи возила израелските сили започнаа масовна операција во Џенин на 21 јануари, со цел да ги елиминираат борците на Хамас и Исламскиот џихад. Операцијата започна два дена по почетокот на примирјето во Појасот Газа меѓу Израел и Хамас.

„Палестинскиот народ нема да прифаќи какво било принудно раселување“, нагласи палестинското претседателство, осврнувајќи се на предлогот на американскиот претседател Доналд Трамп за префрлање на Палестинците од Појасот Газа на „побезбедни места“, како Египет или Јордан.