Вечерва изненадување во Франција приреди Рен кој на свој терен славеше победа против ПСЖ во рамките од 19. коло во Лига 1.

За ПСЖ ова беше втор пораз во петте натпревари по Мундијалот, очигледно клубот од Париз го плаќа данокот на тоа што имаше голем број фудбалери на Светското првенство. ПСЖ вечерва настапи со тројцата најдобри Мбапе, Нејмар и Меси, но и тоа не им помогна на „светците“ да дојдат до позитивен исход.

Одлучувачкиот момент на натпреварот се случи во 65. минута кога Траоре се запиша во листата на стрелци.

ПСЖ и покрај овој пораз останува лидер во Лига 1 со 47 освоени бодови, но сега има само три повеќе од Ленс.