Попладнево на автопатот Скопје–Тетово, кај селото Групчин, се запалил камион „Рено“ со гостиварски регистарски таблички, при што возачот се здобил со повреди и бил пренесен во болница, соопшти МВР.

„Во 20:00 часот било пријавено дека на делницата кај Добарски мост било зафатено од пожар товарното возило управувано од Б.М. (32). Возачот бил итно префрлен во Клиничката болница во Тетово со возило на итната помош“, пишува во соопштението.

Благодарение на брзата реакција на Територијалната противпожарна единица од Тетово, пожарот бил успешно локализиран и изгаснат. На интервенцијата учествувале петмина пожарникари со две возила – специјализирано теренско возило и противпожарен камион, соопшти полицијата.