Десетици илјади Италијанци излегоа на улиците низ целата земја во петокот, приклучувајќи се на генералниот штрајк свикан од синдикатите во поддршка на флотилата за помош за Газа, која беше пресретната од Израел оваа недела, објави Анса која известува во живо од протестите во поголемите италијански градови.

Во Рим, демонстрантите маршираа од централната Пјаца Виторио кон главната железничка станица, држејќи палестински знамиња и транспаренти со слогани.

Според Ројтерс, штрајкот предизвикал доцнења и откажувања низ целата железничка мрежа на Италија, додека на аеродромите биле пријавени помали прекини. Во Рим и Милано, услугите на метрото продолжиле нормално.

Sciopero generale, nuova giornata di mobilitazione in tutta Italia per Gaza e per gli attivisti della Flotilla. #ANSA pic.twitter.com/9yypZb8CM8

— Agenzia ANSA (@Agenzia_Ansa) October 3, 2025

Италијанската влада го критикуваше штрајкот, а премиерката Џорџија Мелони тврдеше дека прекинот на работата „заради Газа“ се користи како изговор за продолжен викенд.

Покрај демонстрациите во Италија, собири на солидарност за хуманитарната мисија се евидентираат низ цела Европа и пошироко.

Пропалестинските демонстрации продолжуваат во сабота, а се очекува масовниот митинг во Рим да го заокружи циклусот од денови на мобилизација, кои понекогаш беа обележани со инциденти и судири со полицијата.

Во четврток вечерта, десетици илјади луѓе одржаа мирен марш од Колосеумот, додека во Торино имаше вандализам во конференциски центар, а во Милано непознати лица со црвена боја испишаа графити на статуа пред катедралата Дуомо.

ВИДЕО | Италијанските синдикати солидарно на протест за поддршка на Палестина и флотилата Сумуд