Насилството што двајцата пратеници од Левица го извршија во парлементот не беше произлезено од некави емоции, туку беше класичен маркетинг или смислено сценарио планирано во партиските канцеларии, смета новинароти и аналитичар Зоран Иванов. Тоа како што вели Иванов може да биде најава за црна и недемократска кампања за претстојните избори.

-Се плашам дека ова е отворање врата на еден предизборен амбиент кој нема да биде добар, кој нема да биде демократски, нема да биде пристоен, кој нема да биде со културолошка политика  основа туку ќе биде некако насилнички и ќе има до бессвест обвинувања. Мислам дека медиумите во добар дел, највлијателните, националните особено, на некој начин се загреваат за овие избори и не се многу расположени да поддржаат опција во која гледаат перспектива на Македонија, вели Иванов.

Причината за насилството Левица го оправдува со неусвојување на нивните многубројни амандмани, со што велат тие се укинува филибастерингот како демократски институт.

Според Иванов се покажа дека тој институт не е најсоодветен за нашето општество затоа што Собранието во изминативе години било на многу начини блокирано со или без филибастеринг.

-Се покажа дека од блокирањето немаат корист граѓаните и државата. Затоа е за поздравување што големите партии постигнаа консензус околу новиот деловник. Тогаш малите партии мораат да се помират со тоа и да работат на демократски начин нивните ставови да станат релевантни, нагласи Иванов.

Целата анализа со Зоран Иванов погледнете ја тука.