Oпштина Ѓорче Петров цела недела ќе биде центар на културно – уметнички и спортски настани со кои ќе се одбележи 20 септември-Денот на Општината.

Настаните кои се дел од програмата “Звуци на културата 2022“ ќе започнат во сабота во реонскот парк. Стартот е во 10 часот. Посетителите првпат ќе имаат можност во Ѓорче Петров да присуствуваат на Ден на органско производство. Попладнето во 17:30 стартува Меѓународниот детски фолклорен фестивал „Златен вез“ на истата локација.

-Недела е резервирана за Детскиот фестивал „Соната“ во 12 часот во реонскиот парк. Во понеделник на 19 септември во 11 часот ќе спортуваме заедно со првачињата на стадионот „Македонски лавови“. Ова е одлична можност да ги насочиме нашите најмлади жители на спортски активности од најмлада возраст и да им го доближиме спортот како опција за здрав живот. Денот на Општина Ѓорче Петров, 20 септември ќе го одбележиме со целодневен свечен настан, но и со концерт кој ќе стартува во 18 часот. Програмата е наменета за сите возрасти. Настап на дечињата од градинката „Росица“, танцовото студио „Бранимир и Бранкица“ и КУД „Глигор Прличев“. Стојне Николова, Даниел Дан, Мијата и диџеј Горан, пак, се само дел од имињата кои ќе ги забавуваат ѓорчепетровци во вторник во реонскиот парк. Манифетацијата „Од Бистра преку Дервен до Ханриево“-ЕФЗ Седум осмини и Ансамбл Ѓорче Петров е предвидена да се одржи во сабота на 24 септември во 12 часот во паркот. На овој настан ќе му претходи крводарителска акција во Центарот за култура во 10 часот, а денот ќе биде затворен со кинолошката изложба на стадионот „Македонски лавови“ во 18 часот. Одбележувањето на општинскиот празник завршува со настанот „Сите во Кучково“ на 25 септември во 12 часот со старт кај крстот во Кучково. Со велосипеди и пеш ќе ги промовираме новите велосипедски и пешачки патеки кои веќе се пуштени во употреба, информираше Стојкоски.

Тој нагласува дека приоритет периодов му е пуштањето во употреба на детската градинка во Волково.

– Сите технички работи неопходни за пуштањето во употреба на градинката се завршени. Сега е на потег Министерството за труд и социјална политика и Министерството за финансии, со тоа што треба да одобрат вработувања за да може да почнеме да примаме дечиња. Со тоа очекувам да се реши проблемот на многу семејства чии деца во моментов се на список на чекање, рече градоначалникот.

Стојкоски нагласува дека е во постојан контакт со граѓаните кои преку социјалните мрежи директно му се обраќаат и посочуваат конкретен проблем, кои потоа службите се обидуваат да го решат.

Целиот разговор со градоначалникот Стојкоски погледнете го тука: