Фудбалерите на Интер триумфираа во Суперкупот на Италија, откако убедливо го совладаа градскиот ривал Милан со резултат 3:0 на стадионот „Кинг Фахд“ во Ријад, Саудиска Арабија.

За „нераѕурите“ ова е седми трофеј во ова натпреварување и сега се израмнија со „росонерите“ на вечната листа, а на врвот останува Јувентус со девет титули.

Веќе после 20 минути игра Интер имаше голема предност после головите на Федерико Димарко и Един Џеко.

Милан играше нешто подобро во второто полувреме, но без реализација. Конечниот епилог го постави Лаутаро Мартинез во 77 минута.

Ријад инаку беше и домаќин на шпанскиот Суперкуп во кој Барселона славеше во „Ел Класико“ против Реал Мадрид.