Кошаркарите на Индијана ја совладаа Оклахома со 108:91 и на тој начин израмнија на 3-3 во финалната серија од плејофот на НБА лигата.

Индијана доминираше од самиот почеток на натпреварот, а нејзината победа во ниту еден момент не беше доведена во прашање.

Дури шестмина кошаркари на Индијана имаа двоцифрен учинок, а најмногу поени постигнаа Оби Топин (20), Ендру Немхард (17) и Паскал Сиакам (16). Сиакам беше и единствениот со дабл-дабл учинок, додавајќи 13 скока покрај поените.

На другата страна, само двајца кошаркари на Оклахома беа на висина на задачата, Шеј Гилџус-Александер уфрли 21 поен, додека Џејлен Вилијамс заврши со 16.

Така шампионот ќе се решава во одлучувачкиот седми натпревар кој ќе се игра во Оклахома, во ноќта меѓу недела и понеделник, со почеток во два часот по полноќ по средноевропско време.